પોસ્ટ 29 : વીવીપી સંભારણા - ટોક ટુગેધર 2.0 - ઇન્સ્ટા લાઈવ

અઢી દાયકાના ટીચીંગ પ્રોફેશનમાંથી એક આખો દાયકો વીવીપીમાં કામ કરવાની, ભણાવવાની બહુ મજા આવેલી. 

દિલોદિમાગથી ક્લાસરૂમમાં કામ કરેલું. જ્ઞાન અને સમજને રીતસર સ્ટુડન્ટસ સામે નીચોવી નાખેલી. અને, આ નિષ્કામ કર્મના ફળ સ્વરૂપે, ત્યાંના વિદ્યાર્થીઓનો અનહદ અને અઢળક પ્રેમ પામ્યો છું. 

ત્યાં મેં શિક્ષણના અવનવા પ્રયોગો કરેલા, મને નહિ, સામે વાળાને ગમે, સમજાય એ રીતે સમજાવવાના - ભણાવવાના પ્રયત્નો આદરેલા. વિષયની સાથોસાથ જિંદગીમાં આવતી પરીક્ષાઓમાં પણ એ સારો દેખાવ કરે એ માટે સમજપૂર્વક કોશિશ કરેલી.

એક્સપિયરન્સયલ લર્નિગને સામે રાખી કલાસરૂમ પ્રેઝન્ટેશનનો ખ્યાલ ત્યાં પહેલી વાર મેં શરુ કરેલો. ઘર કરી ગયેલી સ્પૂનફીડીગની ટેવને કારણે, બધાને તકલીફ પડતી. પણ આપણો ઈરાદો શુભ હતો એટલે લાભ બધાને થયો. 

ચોપડીને બે પૂંઠા વચ્ચેની વાતો સિવાય પણ આપણી આજુબાજુ, ચારેબાજુ શીખવા જેવું, જાણવા જેવું, માણવા જેવું ઘણું છે એની એ સૌને પ્રતીતિ કરાવી.

મૂળ મારે જે કરવું હતું તે હું ત્યાં કરી શક્યો...
મેં એ સૌને જાતે શીખતાં શીખવાડી દીધું ! 

ટોક ટુગેધરના ઇન્સ્ટા લાઈવ સેશનમાં એ સુવર્ણ કાર્યકાળને યાદ કરવાની મજા આવી. આપ પણ એ વખતે મારા આ અનુભવોનો એક ભાગ હતા ! તો આ લિંક આપના માટે જ છે. જોજો. https://youtu.be/InK3lLvtSgo

પોસ્ટ 26 : ટોક ટુગેધર - ઇન્સ્ટાગ્રામ લાઇવ

ટોક ટુગેધર એક પહેલ છે, જુના વિદ્યાર્થીઓને સમયાતરે મળવાની. કોલેજ પુરી થઇ ગયા બાદ સૌને મળતું રહેવું હતું. કરવી હતી વાતો. સૌને પુસ્તક, મુવી, ઘટના કે પ્રસંગ વિશે જાણવું, સમજવું, વહેંચવું હતું. સૌને અરસપરસ ઘણું કહેવું હતું, પુછવું હતું અને સંભળાવવી’તી વાતો. અમને સૌને ગમતું તું, મળવું. એટલે જ, નક્કી થયું આ અમારા અનોખા પરીવારનું ગેટ ટુગેધર - ટોક ટુગેધર. દર મહીને, સીસ્ટર નીવેદીતા ફાઉન્ડેશનના ક્વોલીટી સેન્ટરમાં. 

મીલી શાહ, એમાંની એક સ્ટુડન્ટ. કોમ્પ્યુટર એન્જીનીયરીંગમાં ગ્રેજ્યુએટ. ટાઇમ્સ પબ્લીક સ્પીકીગ કોન્ટેસ્ટની ટોપર. વીવીપી છોડ્યાં બાદ પણ ‘ટોક ટુગેધર’ના કારણે મળવાનું થાય. લોકડાઉનના સમય દરમિયાન, એ સંદર્ભે વાતો કરવા મીલીએ ‘ટોક ટુગેધર’ માટે ઇન્સ્ટાગ્રામ લાઇવ યાદ દેવડાવ્યું. એક કલાકના આ ટોક ટુગેધરમાં ખુબ બધી વાતો થઇ, યાદો તાજી થઇ. મારા ઘણા સ્ટુડન્ટ, ફ્રેન્ડસ તેમાં લાઇવ મળ્યાં. મજા આવી. મારી યુટ્યુબ ચેનલ પર આ આખી ટોક મેં મુકી છે, ઘણા ત્યારે જોડાય નહોતા શક્યાં, તેમનાં માટે અહીં લીંક છે.  https://youtu.be/UpuKW1C-vTs

પોસ્ટ 9: બ્લેકબોર્ડ

14 સપ્ટેમ્બર 2016ના રોજ વીવીપી એન્જી. કોલેજની કોમ્યુટર બ્રાન્ચમાં ત્રીજા સેમેસ્ટરના સ્ટુડન્ટને મેનેજમેન્ટનું પહેલું ફંકશન પ્લાનિંગ ભણાવતા ભણાવતા બની ગયેલું મારું બ્લેકબોર્ડ.

P for Planning